Garage Sale

من الأشياء العملية والظريفة في أمريكا ال (Garage sale)

الناس هنا استخدامها واستهلاكها للموبيليا وكل الحاجات استخدام نظيف فبالتالي لما الناس تكون هتنقل لمكان تاني أو فيه حاجات عايزين يتخلصوا منها لأنها زيادة أو لأنهم اشتروا غيرها بيعملوا (الجراج سيل) ده، يعني بيكون يوم الأجازة وغالبا بيكون يوم السبت ، بتعرض الناس حاجاتها أمام البيت زي ما في الصور وبيعملوا إعلانات على الإنترنت أو بيكتبوا على ورق كارتون ويعلقوه على الشجر علشان الناس تعرف فين المكان بالظبط.

وبكده بيكسبوا في الحاجة القديمة وفي نفس الوقت فيه ناس تانية بتشتري الحاجات دي وتستنفع بيها وبسعر طبعا رخيص جدا، ودي مصلحة لكل الناس اللي معاه واللي مش معاه وفي آخر اليوم لو فيه حاجات متباعتش ساعات الناس بتحطها مجانا لأي حد عايزها.

الشغل والبيت ويوسف

أحياناً الواحد بيفتكر إن موضوع الشغل ده حاجة سهلة وإنه من السهل إنك تشتغل في البيت وبره البيت كمان، لكن الحقيقة وعن تجربة الموضوع ده مش سهل أبداً.
أنا برجع من الشغل تعبانة جدا ومش قادرة أعمل حاجة وخاصة إن شغلي بعيد وبسوق مسافة كبيرة جدا بس خالد متعاون معاية وبيساعدني كتير وسوفة كمان بعض الأحيان بيساعدني
الشغل جميل لأنك بتشعر بذاتك وإنك لك قيمة وبتفيد المجتمع بس في نفس الوقت متعب جدا لو عندك بيت وأولاد، بس في كل الأحوال أحسن من الملل وقعدة البيت خاصة لو أنت في بلد غريب
وأهم حاجة إنه لازم يكون الزوج متفهم ومقدر علشان المركب تمشي زي ما كانوا بيقولوا لنا زمان في مصر
بستنى يوم السبت والأحد بفارغ الصبر علشان أرتاح وأقعد مع خالد ويوسف ، بصراحة أنا مش عارفة الناس اللي في مصر اللي بياخدوا أجازة يوم واحد بس بيعملوا إيه ، الله يكون في عونهم

Tooth Fairy

(Tooth Fairy) النهارده وقعت أول سِنَة من أسنان سوفة وكان فرحان قوي علشان
وممكن نسميها بالعربية ساحرة الأسنان وهي ساحرة أو جنيّة تأتي للأطفال ليلاَ عندما يفقدون أسنانهم وتعطيهم هدية جميلة، فالطفل يضع سنته تحت الوسادة (المخدة) التي ينام عليها و ينام الطفل وهو يعتقد أن هذه الساحرة ستأتي ليلاً وتأخذ السِنَة وتضع له بدلاً منها حلوى أو مال وطبعاً الأب أو الأم هم من يلعبون دور هذه الساحرة، فعندما ينام الطفل يأخذ أحد الوالدين السِنّة ويضع مكانها شئ للطفل
ولهذا السبب يوسف كان فرحان جداً وعندما سألته عايز إيه يا سوفة من ساحرة الأسنان؟
رد عليّ وقال أنا بتمنى أنها نحط لي كاش (أطفال جيل الكمبيوتر والإنترنت) !! جيل ناصح جداً، يعرف من أين تؤكل الكتف