الكل يحلم بأمريكا والسفر إليها ولكن الحقيقة أنها ما هي إلا بلد في غاية النظافة والجمال فطبيعتها خلابة وهي بلد تطبق القوانين وتلتزم بها وهذا ما يجعلها بلد مريحه ولكن
إن نظرت في المقابل فستجدأنها تتسم بانعدام الأمان وانعدام الأخلاقيات وتتمتع بقدر عالي من الجفاء ,فليست هناك روابط وثيقة بين الأهل الكل هنا يسير بمنطق 1+1=2 حتى في حياتهم الشخصية فحياتهم لا تتسم بالمرونة والود وإنما هي حياة جافة.ناهيك عن ذلك الانهيار الاقتصادي المتفشي الآن في الدول وتزايد نسبة البطاله بشكل شنيع.
أيضا أحب أن أنوه إلي أحد القضايا الخطيرة هنا وهي نفقات العلاج , فقد يبيع الشخص كل ما يملك بل ويعلن إفلاسه إن لم يكن لديه تأمين صحي والذي لا يغطي الكثير ولكن أهوه نوايا تسند الزير العلاج هنا غالي جدا جدا جدا والله يكون في عون المرضى
ومما جذب انتباهي اليوم في الأخبار خبر طلاق زوجان سعيدان لكي تغطي شركة التأمين نفقات علاج ابنتهم الوحيدة, مأساة.
الكل هنا يفعل ما يريد وقتما يريد وبرده فيه هنا حاجات بتمشي من تحت الترابيزه يعني مش العرب بس والأمريكان كمان تخيل وناس بتألف ورق علشان تشتغل ويا كده يا مفيش شغل وكله ضحك على الدقون بس بمهاره غير العرب الغلابه
بس عموما الحياه هنا مريحه وكل واحد عارف حدوده فين ,مفيش زحام , مفيش تلوث , كل شئ نظيف ومادام الواحد بيعمل خلاص كده يبقى تمام إنما لو مفيش عمل يبقى الشارع مأواه في خلال شهرين فقط !
