المدارس هنا بصراحة قمة في الروعة والجمال وبيهتموا بالأطفال جدا .يوسف طبعاًَ كان متحمس جدا للمدرسة أول يوم بقه هيروح المدرسة وفرحان ويكاد يكون نام وأنا كنت متحمسة أكثر منه أولا انه هيروح المدرسة وثانيا هشوف بقه المدارس هنا شكلها إيه وذهبت أنا ويوسف وخالد وما أدهشني أن حجم المدرسة الابتدائية وحدها كحجم كليتي ( كلية التربية جامعة عين شمس)و هذا أول شئ ثم المساحات الخضراء حول المدرسة وطبعا في مكان للأولاد يلعبوا فيه زي الجنينة عندنا في مصر كده المراجيح والزحاليق وحاجات ظريفة للأطفال وبعدين دخلت معاه المدرسة علشان أشوف الفصل بتاعه طبعا شتان بين الحجرة الدراسية ( الفصل) بتاعي وأنا في مثل عمره (حضانه) في مصر وبين الفصل بتاع يوسف فالفصل بتاعه مجهز بأحدث أجهزة الكمبيوتر ومساحة الفصل واسعة وعدد التلاميذ 16 فقط والفصل يشمل مكان كبير مغطى بالسجاد لللعب وزاوية اخري للقراءة وأخري للكمبيوتر وليس هناك تخته لكل طفل زي مصر كده لا هنا ترابيزة كبيرة والكراسي ويقعد الأطفال حولها .
الحاجة بقه اللي لفتت انتباهي جدا طريقة تعامل المدرسين مع الأطفال والابتسامة التي تعلو وجههم أعلم طبعا مدى المعاناه التي يعانيها المعلم المصري بل والشعب المصري كله ولكني أتمنى من الله انه يوما ما يوفروا الراحه للشعب ويعطوه حقه حتى ترتسم الابتسامه على وجوههم مرة أخرىوهناك طبعا بعض الألعاب في الفصل للأطفال وتقدم المدرسة للأطفال وجبة الإفطار وطبعا بيريحوني انا شخصيا بصراحه .
